內地孕婦與李三腳
2007年01月17日記得電影《精武門》中有這樣經典的一幕︰由李小龍飾演的陳真路過公園外，發現門外有日本士兵把守，牆上的告示牌寫著「狗與華人不得入內」，陳真看後深感憤怒，凌空一腳把告示牌踢成兩截。
一句「狗與華人不得入內」放諸二十一世紀的社會看似荒謬無比，可是竟又活生生的發生在今時今日的香港地，始作俑者是我們的特區政府。
政府將於二月一日推出新政策限制懷孕七個月或以上的內地孕婦入境，條例只限國內同胞，外國人不在規限之列，這不是歧視是甚麼？政府一方面在推和諧共融，鼓勵香港人接納新移民及內地同胞，另一方面又在制訂這種帶歧視成份的條例，豈不是自打咀巴？從來立法的原則都應不分種族膚色，更不要說受規管的不是紅鬚綠眼的外國人而是我們祖國的同胞！
再說條例的可行性，據報導政府根本不打算在關閘安裝超聲波儀器協助醫生診症，醫生憑肉眼判斷懷孕時期，誤差為一個月，準確度成疑，關員與入境者的衝突恐怕無日無之。另外，在關閘當值的醫生只限朝九晚十，在這斷時間以外入境的孕婦會否被規限，那就不得而知了。再者，如果內地孕婦腹大便便，到作動才入境，基於人道立場，香港關員恐怕不會把她們即時遣反，入境大堂變成產房應該指日可待！
究竟這是特首選舉前的一場 show，還是強政勵治下的英明領導，似乎已經不言而諭。條文太多漏洞，最終只會難為了執法者，可以想像關員與內地人士的衝突將會有增無減，且看內地同胞何時會仿傚李小龍，向我們的關員使出一招「李三腳」。
Posted in: 政府, 時事/新聞, 社會時事 |
回應(7) | 回應的RSS | 暫時未有引用通告| 
(0)
2007 一月 18 at 1:10 pm 我都覺得係, 冇用.
d人想來點都可以來到.大把黑市方法
應該係在支援上作出改革, 唔係香港人做mum & dad
同香港stay 足夠七年, 就唔應該有政府補貼來港
d人係想來港叫政府養
我地d香港人好慘, 好多都低收入,但要申請政府支持難過登天. 左查又查. 佢地內人 一來就唔駛查, 又比錢, 又有house , 比我係佢地死都來la
2007 一月 18 at 10:13 pm 根本除o左阿公幫手嚴打，冇其他辦法，但之前乜爬物爬十一五，餵飽好多香港人，仁至義盡，而家咁，唔通真係面皮成尺厚，又要搵阿公幫手?!
香港，某程度上都係一個綜援孤兒。
2007 一月 18 at 10:34 pm 煲呔都係為競選連任做下 show 咁啫，佢最叻就係搞門面野架啦！
香港政府不嬲都係跛腳鴨，如果阿公肯出手，點會連班孕婦都搞唔掂呀！不過，我覺得班高官都應該用下腦，你係禁就寫到明話不論任何國藉既孕婦都禁，而唔係只限內地孕婦，做 show 都唔係咁求其丫！
2007 一月 18 at 10:36 pm 係la .年薪幾百粒
做少少野都唔得
人頭豬腦
唔死都冇用
2007 一月 19 at 7:01 pm 那政府會遲d加稅
養呢批人又教育又醫療
仲有可申請其父母來港
到時又多d人一起申請綜援
那大肚人不能過境
仲有醫院沒有位
o米可以趕盡剎絕
叫呀公出聲
大陸那面實行
2007 一月 19 at 9:54 pm 今日新聞先報導任一招個外匯基金賺左好多錢！加上今年係特首選舉年，煲呔仲唔趁機派糖咩。我諗唔會加稅掛...
2007 一月 19 at 11:45 pm 其實我唔agree派糖
因為先甜後苦姐
派糖後, later 如果經濟差,咪又話要左右又加
今天又加排dirty water 費
老實講,條數點到係番到